សណ្តែកខៀវ មានសារធាតុចិញ្ចឹមច្រើនណាស់ចំពោះសុខភាព
22-October-2015 | ដោយ មួយឡា
សណ្តែកខៀវ គឺជាសណ្តែកដែលមានសារធាតុចិញ្ចឹមច្រើនណាស់ ដូចនេះហើយវាជាសណ្តែកដែលអាចធ្វើឲ្យអ្នកមានសុខភាពល្អ មិនមានជំងឺផ្សេងៗមកបៀតបៀនឡើយ។ តើវាអាចផ្តល់អត្ថប្រយោជន៍អ្វីខ្លះដល់អ្នក? ក្រោយពេលដែលអ្នកយល់ដឹងរួច ចូលអ្នកបរិភោគវាឲ្យបានច្រើន។
1. វាអាចជួយបំបាត់ស្នាមអ៊ុចខ្មៅលើមុខអ្នកបាន ដោយគ្រាន់តែអ្នកត្រូវតែបរិភោគសណ្តែកខៀវនេះឲ្យច្រើនទៅបានហើយ។
2. បើអ្នកបរិភោគអាហារដែលធ្វើឲ្យអ្នកពុល អ្នកអាចដាំសណ្តែកខៀវមកផឹកបាន ដោយត្រូវតែដាំទឹកវាឲ្យក្រាស់ នោះវានឹងអាចបន្សាបជាតិពុលទាំងនោះបាន។
3. បើអ្នកមើលអ្វីមិនច្បាស់ អ្នកអាចយកសំបកនៃសណ្តែកខៀវចំនួន១៥ក្រាមមកដាំទឹកផឹកបាន នោះវានឹងធ្វើឲ្យភ្នែកអ្នកភ្លឺវិញហើយ ថែមទាំងអាចមើលវត្ថុផ្សេងៗបានច្បាស់ទៀតផង។
4. បើអ្នកមានជំងឺឈឺក្បាល អ្នកអាចយកសណ្តែកខៀវនេះមកធ្វើជាខ្នើយសម្រាប់គេងបាន នោះវានឹងធ្វើឲ្យអ្នកមានអារម្មណ៍ធូរស្រាលជាមិនខានឡើយ។
5. បើអ្នកមានជំងឺរាគរូស និងឈឺពោះ អ្នកអាចយកសណ្តែកខៀវដាំជាមួយម្រេចបាន នោះវានឹងជួយអ្នកឲ្យបាត់នូវអាការៈនេះបានហើយ។
6. បើអ្នកវិលមុខ ងងឹតភ្នែក អ្នកអាចដាំសណ្តែកខៀវមកបរិភោគបាន នោះវានឹងជួយអ្នកឲ្យមានអារម្មណ៍ធូរស្រាលជាងមុនជាមិនខានឡើយ។
7. បើស្បែកអ្នករមាស់ អ្នកក៏អាចបរិភោគសណ្តែកខៀវដែរ នោះវានឹងជួយអ្នកឲ្យបាត់នូវអាការៈរមាស់នេះបាន៕
ប្រភព៖ health
ចំនួនអ្នកទស្សនា
- ថ្ងៃនេះ391
- ម្សិលមិញ2891
- សប្តាហ៍នេះ19241
- ខែនេះ65341
- ឆ្នាំនេះ401601
- សរុប19629047